|
<H Gezang 20>
<C Tselve Liedt Vermeerdert.>
<V 1> Christus lach in Doodes Banden -
Voor onse Sonde ghegheven/
Hy is weder opghestanden
Heeft ons ghebracht dat Leven/
Dies sullen wy all' Vrolijck zijn
Godt loven ende dancken fijn/
End singhen Alleluia Alleluia.
2. Den doot niemant bedwingen cond -
By allen Menschen kind'ren/
Dat maecken alle onse Sond/
Gheen Onschult was te vinden/
Daer van soo quam de Doot soo bald
Ende nam over ons ghewalt/
Hielt ons ins syn Rijck gh'vanghen/
Alleluia.
3. Jesus Christus waer Godes Soon/
Aen onse Steed is comen/
En heeft de Sonde wech ghedaen/
Daermee den Doot ghenomen
Al zyn Recht end syn ghewalt/
Daer bleef niet meer dan Doots gestalt
Syn macht heeft hy verloren.
Alleluia.
4. Het was een wonderlijcke strijdt/
Als Doot end Leven ronghen/
'T leven behielt Victory wijt/
Het heeft den doot verslonghen/
Die Schriftuer heeft vercondicht dat/
Hoe d' Eene Doot den Andren att/
Een spot wt den Doot is worden/
Alleluia.
5. Hier is dat rechte Paeschelam/
Daer van Godt heeft gheboden/
Dat isser aen des Cruyces stam/
In heeter Lieffde ghebraden/
Des Bloet dat teeckent onse Deur/
Dat houdt de Gelooff den doode voor/
Die Worgher can ons niet roeren/
Alleluia.
6. So Vieren wy dat hooghe Fest/
Met herten Vreuchd' end Wonne/
De Heer verschijnt tot onsen best
End hy is selvest die Sonne/
Die door syner ghenaden glants/
Verleuchtet onse herten gants
Der sonden Macht is vergangen/
Alleluia.
7. Wy Eten ende Leben Wel/
In rechte Paessche vladen/
Die Oude Deesem niet syn fel
By den Woode der Ghenaden
Christus wil syn die spijse reyn/
En spijsen onse Ziele alleyn
De Gelooff wil geens andren Leven
Alleluia.
|
LITURGIE
&CETERA 
