|
<p CCV.>
<H Gezang 38>
<C Die Thien Gheboden.>
<W Op de Voys: Als hier nae volghet.>
<V 1> Dit zijn die Heyl'ge Thien Ghebodt/
Die ons gaff onse HEERE Godt/
Door Mosen synen Dienaer trouw/
Hooch op den Berch Synai/ Kirie eleyson.
2. Ick ben alleyn dijn Godt end Heer
Gheen Goden sult ghy hebben meer
Ghy sult my gantsch vertrouwen dy/
Van herten gront liefhebben my/ Kirieleyson.
3. Ghy sult niet bruycken tot oneer,
Den Naem van uwen God ter Heer
Ghy sult niet prijsen Recht noch goet/
Dan wat Godt selfs speeckt en doet/ Kirieleyson.
4. Ghy sult heyligen den sevende dach
Dat ghy en dyn huys rusten mach/
Ghy sult van dyn doend' laten aff
Dat Godt syn Werck in dy schaff Kirieleyson.
5. Ghy sult eeren end g'hoorsaem zijn
Den Vader end der Moeder dijn/
End hoe dijn handt hun dienen kan/
Soo sult ghy langhe Leven haen/ Kirieleyson.
6. Ghy sult niet dooden toornichlijck
Niet haten noch selfs wreken dy/
Ghedult hebben end saechten Moedt/
End oock dijn Vyandt doen dat goet/ Kirieleyson,
7. Dijn Trouw sult ghy bewaren reyn/
Dat oock dyn Hert gheen ander meyn/
End houden cuysch dat Leven dijn/
Met maticheyt end sober zijn/
Kirieleyson.
8. Ghy sult niet stelen ghelt noch goet/
Niet Woeck'ren yemants sweet en bloet
Ghy sult Opdoen dijn milde handt/
Den Armen Menschen in u Landt/
Kirieleyson.
9. Ghy sult gheen valsche Tuyge zijn/
Niet lieghen op den naesten dijn/
Syn Onschult sult oock Redden ghy/
End syne schande decken vry/ Kirieleyson.
10. Ghy sult dijns naesten Wijff end huys
Begeeren niet/ nocht yet daer wt
Ghy sult hem wenschen alle goet/
Als dy dijn herte selver doet Kirieleyson.
11. Dees Ghoden ons ghegeven zijn/
Dat ghy dijn Sond O Menschen kint/
Bekennen sult end Leeren wel
Hoe men voor Godt Leven sel/
Kirieleyson.
12. Des help ons de Heer Jesus Christ
Die onse Middlaer worden is/
Het is met onsen doen verloorn
Verdienen doch maer Ydel Thoorn/
Kirieleyson.
|
LITURGIE
&CETERA 
