|
<H Gezang 55>
<C Pauli Sperati Liedt.>
<W Op de Voys: Als hier na volcht.>
<V 1> Het is dat Heyl ons comen hier
Die Wercke helpen nimmermeer
Van Gnaed' end Louter Goede/
Sy moghen niet Behoeden/
T'ghelooff set Jesum Christum aen/
Die heeft genoech voor ons all' gedaen
Hy is de Mid'laer gheworden.
2. Wat Godt in de wet geboden had/
Als men dat niet kond' holden/
Verhieff hem Thoorn end groote Noot
Voor Godt so menichfoude/
Van 't Vleesch woud' niet her wt deit GHeest/
'T welck ons de Wet eyscht aldermeest.
Het was met ons verlooren.
3. Het was een valsche Waen daer by/
Godt had syn wet ghegeven/
Als oft wy mochten selver vry
Nae synen wille Leven/
Nu is het mer een Spieghel tzaert
Die ons aenwijst die Sondig' Aert/
In onsen Vleesch verborghen.
4. Niet moeg'lijck was die selvig Aert
Wt eyghen Cracht te laten/
Hoe wel dat veel versoecket waert
Noch meert Sand boven Maten.
Want Huychlaers werck Godt hooch Verdampt/
End onsen Vleesch der sonden schandt
Altoos was aengheboren.
5. Noch moest die Wet vervullet zijn/
Dus waer'n wy all' verloren/
Daerom schickt Godt syn Soon hier in/
Die selffd' is Mensch gheboren/
Die heele Wet heeft hy vervult/
Daer meed zijns Vaders thoorn ghestilt
Dien selven is den Hemel ghecoopt/
Die over ons ginck alle.
6. End als het nu Vervullet is/
Door dien/ die het kond' houden/
So leeret nu ghy vrome Christ/
'T gheloove sonder fouten/
Niet meer dan lieve HEEre mijn/
Dijn Doot sal my dat Leven zijn/
Ghy hebt voor my betaelet.
7. Daer aen ick geenen Twijffel draeg/
Dijn Woort kan niet bedrieghen/
Nu segt ghy dat geen Mensch vertzaeg
Dat sult ghy nimmer Lieghen/
Wie Glooft aen my end wort Gedoopt
Dat hy niet word' verlogen.
9. Het is gherecht voor Godt alleyn/
Die dees gheloove vatet/
T' gelooff geeft wt van hem den schijn/.
So hy die werck' niet latet/
Met Godt 't gelooff is wel daer aen/
Den Naesten sal de Lieffd' goet doen/
Zijt ghy wt Godt gheboren.
9. De Sond wort door de Wet bekant
End staett' ghemoede Neder/
Het Evangelij comt ter hant
En sterckt den Sondaer weder/
Het spreeckt nu Cruyp ten Cruyce toe/
In de wet en is geen Rust noch Rouw
Met allen synen Wercken.
10. Die Wercke comen gewislijc voor/
Wt een Oprecht Gheloove.
Van gheen Oprecht Gheloove waer
Woud' hem die werck berooven/
Doch maecht alleen 't Gelooff gherecht
Die wercke syn des Naesten knecht/
Daer by wy t' gheloove mercken.
11. Die Hoping wacht der rechten tijt
Dat Godes Woort toe saghen
Van dat gheschieden sal Verblijdt/
Sett Godt gheen seecker Daghen/
Hy weet wanneert ten besten is/
Ghebruckt aen ons gheen Argelist/
Dat sull'n wy hem vertrouwen.
12. Oft scheen als oft hy woude niet/
Laet dy dat niet verschricken
Want waer hy is ten besten meed'/
Daer wil hijt niet Ontdecken/
Sijn woort laet dy gewisser zijn/
End oft dyn vleesch spreeck louter Nein
So laet doch dy niet grouwen.
13. Sy Loff end Eer met hooge Prijs/
Om deser Goetheyt willen/
Godt/ Vader Soon/ end heylig' Gheest/
Die wil met Ghenaed vervullen/
Dat hy in ons Aengevangen haet/
Ter Eeren syner Maiestaet/
Dat Heylich word' syn Name.
14 Syn Rijc toecom' zijn wil op Eerd
Schied' als ins' Hemels Throone/
Dat Daegh'lijcx Broodt gheeft ons oock weerd'
Wil onse Schuld verschoonen/
Als wy oock onsen Schuld'naren doet/
Laet ons niet in versoecking staen/
Verlost ons van den quaden/ Amen
|
LITURGIE
&CETERA 
