|
<H Gezang 61>
<C Een Claechliedt teghen die dy Argste Vyanden der Zielen>
<W Op de Voys: Als hier na volcht.>
<V 1> O verleent my dyn Ghenaed/
Geeft Hulp end Raet/ of ick moet heel/ vertzagen/
Die Vyand' syn so grousaem veel
In dit gequel/ Om my van dy te jaghen -
my heeft die Wer'lt/ syn Act gestelt/
Dat sondig' Vleysch my van dy heyscht
O HEER ick gaet dy claghen.
2. De Duyvel is die Argste Vyandt/
Hy ruckt end greint
Bedrijft veel boose stucken/
End heeft doch niemandt schouwe daervan
Dat maeckt hy kan
Den schalck gaer Listich smucken
In Huychely so men'gerley
Hy hem verborcht/ veel Volcx verworcht
Als hijt van dy gaet rucken.
3. Voor desen Moord'naer my behoed'
Heer door dijn Goed'/
In my maeck reyn dat herte/
So ghy niet selffs bewaert het Huys/
Voor dit ghedruys/
Het valt met groot ghesmerte/
So ghy niet bist/ HEER JESU Christ/
Selffs helper goet/ voor desen stoot/
So ist om my een schertze.
4. Daerom O Heer wilt my bystaen
Van nu Voortaen/
Tot aen mijn laetsten eynde
So wil ick vry gaen waghen daer aen/
Al wat ick haen/
Dijn Troost wilt my maer seynden
So blijff ick vast oft oock al barst
Die Werelt gaer/ der Duyvelschaer/
Sal my van dy niet weynden.
5. Oft oock die Werelt en Duyvel all
Int Aertsche Dal/
'T aenvechten my beginnen/
So is nochtans dyn Troost ghewis/
HEER Jesu Christ/
Ghy condtse haest verwinnen
Troostlijck ick vaer/ oft ooc leedt waer
Noch alle Man/ daer leyt niet an
By dy laet ick my vinden.
6. Het coemt die Tijdt/ end is niet Wijt
Die brengt groot Leedt
Dien die haer laten schricken/
Ghelooven niet in deser Noot/
Aen dy O Godt/
Den schalck sult ghy Ontdecken/
End straffense met Eewich Wee
O Godt wilt my/ dat bid' ick dy/
In Christo weder Opwecken.
7. Ghy sult helpen wt alle ghequel
Den Israel
Als comen dijne daghen/
End sult verdoemen nae dijn Recht/
'T godloos gheslecht/
Die nu aen dy vertzaghen/
O stercke Godt Heer Zebaoth/
Ick treed tot dy/ ach Heer help my/
Ick wilt vrymoedich waghen
|
LITURGIE
&CETERA 
