|
<H Gezang 66>
<C Een ander Geestlijck Gesangover die woorden Christi Matth. XI.>
<C Venite ad me omnes.>
<W Op syn eyghen Voys.>
<V 1> Comt hier tot my spreect Godes Soon
Al die ghy zijt beswaert so doen
Met sonden hart beladen/
Ghy Jonghen/ Ouden/ Vrou en Man/
Ick wil u gheven wat ick haen/
End heelen uwe schaden.
2. Mijn Jock is soet/ myn vordt gering
Wiet' my nadraecht in dien geding/
Dat hy der Hell' ontwijcke/
Ic help hem trouwlijc/ dat hyt draecht.
Met myner hulp dat hy bejaecht
Dat eewigh' Hemelrijcke.
3. Wat ick ghedaen heb/ en noch voort
Beleden in myn leven (hoort)
Dat sult ghy ooc vervullen/
Ja wat die mensch denckt/ spreect en doet
Dat comt hem al te recht en goet/
Alst gheschiet na Gods willen.
4. Geern woud die Werelt salich zijn/
Wanneer niet waer die smart en pijn/
Die alle Christen lijden/
So cant en mach niet anders zijn/
Dies hem begeef' daer willich in/
Wie eew'ghe pijn wil mijden.
5. All Creatuer/ elck op zijn pas/
Wat leeft in water/ lucht en gras
Door lijden moet het eynden/
Wie dan in Godes naem niet will
Die moet op 't lest nae duyvels hel
Hem keeren ende weynden.
6. Die Mensch is huyden frich en lanck.
En morghen is hy doot'lijck cranck/
Haest moet hy oock gaer sterven
Ghelijck die Bloemen op het Velt
Also moet oock die schoone Welt
In oogenblick verderven.
7. Die Wereldt verschricket van de doot
Als eener leyt in lesten noot/
Dan wil hy eerst vroom werden.
Die een doet dit die ander dat
En zijne arme Ziel verget/
Dewijl hy leeft op eerden.
8. En als hy niet meer leven mach/
So heft/ hy aen een groot geclach/
Wil hem tot Godt eerst geven/
Je vrees voorwaer/ dat Godts ghenaed/
Die hy altijts verspottet haet/
Sal swaerlijck op hem sweven.
9. Wat helpt den rijcken 't groote goet
Wat helpt den Jonghen stoute moet?
Hy moet uyt dese Meyen.
Wann' eene hadd' die gantsche Weldt/
Goudt/ Silver/ en oock alle gelt/
Noch moet hy aen dien Reyen.
10. Wat helpt den G'leerden groote const
Die Wereltlijck' pracht is gaer om sonst
Wy moeten alle sterven/
Wie hem met Christo niet verblijt/
Wijl hy leeft in den gnadentijt
Die moet eewich verderven.
11. Daerom so merckt lief kind'ren mijn
Die ghy tot Godt begeeft u fijn/
Gaet niet den wech ter zijden/
Houdt steedts aen 't helge Godes woort
Dat is der Sielen hoochst' confoort/
Godt sal u wel verblijden.
12. Siet/ dat ghy 't goet om 't quaede geeft/
Siet/ dat ghy hier onschuldich leeft/
Laet u die wer'lt vry schempen/
Gheeft Godt die wraeck end alle eer/
Den engen padt gaet sonder keer
Godt sal die wer'lt fijn dempen.
13. Als het U ging Nae Vleesches moet
Met gonst gesontheyt en groot goet/
Seer haesr soudt ghy vercouden/
Dies schict u Godt veel droefheyt herdt/
Daer met dat Vleesch getuchicht werdt/
Tot eewigh' vreuchd' behouden.
14. Is nu dat Cruys so bitter dy/
Gedenckt hoe heet die helle sy/
Daerheen die werelt doet jagen.
Daer lijfen Ziels al lyden pijn/
En sonder eynde eewich zijn
In hell'sche quael en plagen.
15 Dies sullen wy na dese tijt
Met Christo hebben groot jolijt/
Daer aen sull'n wy gedencken/
Gheen Tonge can uyt spreecken schoon
Die glory en dat eeuwigh' loon
Die ons die Heer sal schencken.
16. En wat die eew'ge Godt/ die leeft!
Door zijnen Geest belovet heeft/
Gesworen by syn namen/
Dat houdt en geeft hy seecker daer
Die help ons in der Eng'len schaer/
Door Jesum Christum/ Amen.
|
LITURGIE
&CETERA 
