|
<H Psalm CVI.>
<C Confitemini Domino.>
<W Op de Voys: Het zijn doch Salich alle die.>
<V 1> Danckt Godt/ want hy so vriendlic is
Syn goetheyt eewich duert Ghewis/
Wie can syn doen Volprijsen?
Wel dien/ die dijn ghebodt en Leer/
Vast houden/ end' oock recht doen/ Heer
Dijn heyl wilt ons bewijsen/
Op dat de Vrome sien dijn goet/
In vreucht dijn Erven wel behoedt.
Doch wy doen oock als deden
Ons Vaders/ die dijn Wond'ren niet
Noch aen dyn goetheyt denckend' yet/
Aent Meer dy weder streden.
2. Doch holp haer noch de Heer bequam
Ghewillich om syn eyghen naem/
Syn Macht niet wou nae laten/
Hy droochd' de Zeed' al door syn cracht
Sy werden vry daer door ghebacht/
Verlof van die haer haten.
Int meyr verdronck al haer party/
Doe G'looffden en Loff songhen sy/
Syn Doen maer rasch vergaten/
Sy creghen lust en tarchden Godt/
Hy gaff hun vol haer bede/ tot
Haer walchden al sy aten.
3. En sy verthoorenden als doen
Op Moysen ende op Aaron/
Dies d'aerd' verslond die Stammen
Bey Dathan ende Abiram/
Door 't vier veel haerder omme quam
Die Godloosen door Vlammen.
Een Calff in Horeb maeckten sy/
Aenbadent/ ende gaven vry
Eens Os ghelijck'nis d'Eere
Vergaten Godt haer Salicheet
All't gheen hy in Egppten deed'/
Tot Ham/ end' aent Roo Meere.
4. Hy sprack/ hy wouse al met een
Verdoen/ had Moyses niet gbebeen,
Dat schoon landt sy verachten,
End in haer hutten Murden sy/
Gods Stem niet hoorende/ dies hy
Syn handt ophieff met Crachten.
In de Woestyn strafft hy se scherp/
Haer Zaet hy by den heyden werp/
Verstroydens' in den landen/
Tot Baal Peor gavens' hen/
Sy Aten affgoods Offeren/
Dies plaechd' hy se met schanden.
5. Die saeck heeft Pinehas-gheslecht
Die plaeg gheweert dies hy gherecht
Gheacht werdt Eewelijcken/
Aen dat kijff water plaechden sy
Den Moysen/ dies so werde hy
Bedroeft/ alst wel mocht blijcken.
Sy doodden 't Volck oock niet/ so dat
De Heere haer bevolen hadt/
Vermengden haer den Heyden/
Der selver wercken leerdense/
En dienden haer affgooden mee/
Den Val sy haer bereyden.
6. Sy Offerden den Duyvelen
Haer Sonen ende dochteren
T'onschuldich Bloet vergooten/
Doen Wert vergramt/ en creech al meer:
Een gruwel aen syn Volck de Heer
Hy ginckse heel verstooten/
End gaff se in der Heyden macht/
Beangst/ tot Got moet hyse bracht/
Godt ginckse dick Ontlaeden/
Doch sy verthoornden hem weer drae
Sy werden cleyn en leeden schae
Alleen om haer Misdaden.
7. Hy hoord' haer Clacht Aensach haer Noot/
'T berouwd hem doo syn ghoetheydt groot
Aen syn verbondt hy dachte/
En maeckt dat haer wert Goet ghedaen
Van die haer hadden hart ghevaen.
In Noot (Heer) op ons wachte/
En brengt ons wt den Heyden t'saem/
Op dat wy dancken uwen Naem/
En dijn loff Roemen t'samen/
Gheloofft sy Eewich end altijdt
Die Godt van Israel met vlijt/
End alle Volck spreeck Amen.
|
LITURGIE
&CETERA 
