|
<H Psalm. CXIX.>
<C Beati immaculari.>
<W Op syn eyghen Voys: Als hier nae volghet.>
<V 1> Het syn doch Salich alle die
Sy zijn oock Salichal die zijn
Int recht Gheloove Wandlen hier
Tuych'nis voor ooghen hebben fijn/
In Godes Wet des Heeren/
Van herten die begeeren.
Want alle die Quaetdoenders sind
En wand'len niet als Godes kind'
Noch op syn Wech Vol Trouwen
Ach Heere Godt van Hemelrijck
Ghy hebt gheboden vlijtelijck
All' dijn ghebood' te houwen.
2. O Godt dat alle 't Leven mijn
Ghestelt wort nae 't behaghen dijn/
Dijn Rechten al te houwen.
Dan sal ick niet ter schanden gaen
Wanneer ick blijtelijck sie aen
All dijn ghebood vol Trouwen.
So danck ick dpy van Herten meed'
Van t'Recht uwer Rechtveerdicheet
Twelck ghy my leert met Maten.
Want dijn recht wil ick houden wel
Met dijn ghenaed' coemt tot my snel/
Wilt my niet heel verlaten.
3. Waer betert nu een Jongling tzaert
Syn Wech? Dan als hy hem bewaert
Nae uwe woorden allen.
Ick heb met gantscher Hertenvliet
Heer dy ghesocht/ dies laet my niet
Van dijn gheboden vallen.
Want ick heb uwe woorden fijn
Verborghen in dat Herte mijn
Op dat ick voor dy Heere
Niet sondighe/ ghelooft zijt ghy
Door dijn ghenaed' en goetheyt
Al uwe Rechten Leere.
4. Nu heb ick met de Lippen mijn
Die Rechten al van u mont fijn
Vertelt en Roemts Alomme.
Jae/ in de wech uws Tuychnis (Heer)
Met Lust te wand'len heb ick meer
Dan 's werelts Rijckedomme.
Wat ghy beveelt spreeck ick Alleyn/
Want Menschen Leer en is niet reyn/
Ick sie op uwen Pade.
Nae uwen rechten Lust my (siet)
Dijn woort wil ick vergeten nie
Gheeft my maer dijn ghenade.
5. Help Heer Godt desen dijne knecht
Dat ick mach Leben nae dyn Recht/
End houden dijne woorden.
Voet op mijn Ooghen dat ick Claer
Mach sien de groote wonder daer
Dijns wets aen allen Oorden.
Ick ben doch nu een Gast op Eerd/
En Bidt dat niet verborghen weerd
Voor my uwe Gheboden.
Mijn Siele (van 't Verlanghen groot
Dat ick nae dijne rechten goet
Heb altjdt) wort Onvroede.
6. Den Stouten schelt ghy hier All'gaer
Vervloeckt syn sy oock al die daer
Aen dyn Gheboden feelen
Keert aff van my die schand en smae/
Want uwe Tuychnis coem ick nae/
En doese niet verheelen.
Die Vorsten raden teghen my /
Maer uwen knecht die houdt hem vry
Aen dijne Woorden bloote/
So heb ick grooten Lust ter handt
Aen dijn Ghetuychenissen want
Sy syn mijn Raedts ghenooten.
7. Mijn Siele leydt int stoff der Eerd
Maeckt dat ick Leeff end salich weerd/
Nae uwen Woorde Heere/
Ick heb bekent die weghen mijn/
So Antwoort end Verhoort ghy fijn/
Dijn rechten ghy my Leere.
Den rechten Wech wijst my doch an
(Heer) dijns Bevels so wil ick dan
Van dijne wond'ren saghen.
Mijn Siel vreest van benautheyt gaer
Sterckt my in dyne Woorden Claer
Heer God verhoogt mijn Claghen.
8. De Valsche Wech neemt ver' van my
Verleent my die Ghenaed' daer by
Nae dijne Wet te Leven.
Den rechten wech heb ick Vercoor'n
End heb vergeten noch Verloor'n
Dijn oordeelen daer neven
Ick hanghe dijn Tuychenissen an/
End Bid' O Heer en laet my dan
Doch niet te schanden Werden.
Ick Loop den Wech dijner Ghebodt
Ghy hebt ghetroost O HEERE Godt
Mijn hert al hier op Aerden.
|
LITURGIE
&CETERA 
