|
Psalm CXIXbis., Deel 2, Ende gaet op dese Naevolgende Voys., Wyst my
den Wech van dijn geboden Recht
 
31. In Eewicheyt wil ick te geener tijt
Dijn Heylich woort en dijn bevel vergeten
Want ghy daer door my 't Leven hebt bevrijdt
Heer ick ben dijn/ dies mach ick my vermeten/
Daerom myn Heer bewaer my in de noot
Want ick doch poog' om dijn Wet wel te weten.
32. De godloos' Heer/ staen vast na mynen Doot
Dies hebbens' oock ghelegt haer schalcke laghen
Maer ick neem Acht op dijne Woorden bloot
All wat my wort ter werelt voorgeslagen
Heeft al een eynd'/ al ist noch eens so groot/
Dijn Woort alleen streckt wijt ten Eew'ghen daghen.
33. Hoe lief O Heer heb ick dijn wet ghehadt?
Den gantschen dach men hoort my daer van spreken/
Want tis mijn lust het is mijns Herten schat
Mijn Vyant heeft in Wijsheyt my gheweken/
Dwelck is gheschiet door dijn Woort end gebodt
Daer meed mijn Hert was Eewelijck ontsteken.
34. Jae ick ben ooc verstandiger/ o God
Dan all die my eerst hebben onderwesen/
Omdat dijn Wet is mijn sin end ghenot/
'T verstandt is my in Wysheydt opgheresen.
Oock boven die/ die Ouder syn van tijt
Om dat ick houw dijn Wetten hooch gepresen.
35. Ic heb altijts myn Voeten nauw gemijdt
Van alle quact/ end Van onrechte Wegen/
Omdat ick hiel dijn woort met grooten blijt.
So dat ic noyt van sinnen was geneghen
Om van dijn woort te wijcken eene voet
Wat in dijn school heb ic constant gecregen.
36 Mijn Heer/ myn Godt/ hoe syn dijn Woorden soet:
Geen honich werck noch soet honichraten
Vind' ick van smaeck in mynen mont so goet
Ick heb verstandt end wijsheyt boven maten
Daer door ghehadt/ end ben gheworden vroet
Dies moet mijn Hert bedroch en leugens.
37 Dijn Woort is/ Heer een Claerheyt ende Licht
Door mynen Voet/ om dijn Baen na te sporen/
Een Fackel claer die myne wegen richt/
Ick heb O Heer en stercken Eet gesworen
Dien ick altijdts sal onderhouden vast/
Als dat ick steets dyn Rechten wil Oorbooren.
38. Ick steeck benaut in swaren druck en Last
Vernedert synd' o God onder dijn handen
Verquick my dan/ nae dijn/ nae dijn woort u doch rasch
Neem gunstich aen de willig Offerhanden
Dijns Lofs/ die ick dy met den Mondt ghewaeg/
Leer mij Gemoet in dijns wets Yver.
39. Ghy set O Heer dat ick my telcker uyren/
Als in mijn vuyst: soo swijmt my telcker
Doch ick vergeet' dijn wet te genen daeg'
Het Godloos volck soeckt mynen Voet te stueren
(Wt valsch bedroch) in 't garen van haer Net
Maer ick laet my van dijn Woort niet vervueren.
40. Dijn Tuygnis Heer dyn Woort end dyne Wet/
Is 't lot en deel dwelck ick wil Eewich Erven
'T is myn Vreucht/ myn Troost end myn ontset.
Ick heb myn Hert gheneyghet menichwerven
Tot dyn gebot: Nae 't welck ick onverlet/
Wil Eeuw'lick doen: tot dat ick coom te sterven.
41. Ick daeg een Haet/ end hebb' een wedersin/
Van t'schalck gepeyns end 's Menschen slimme rancken/
Maer dijne Wet ist geen dat ick bemin
O Heer ghy zijt mijn scherm die niet can wancken/
Ghy zijt mijn Heyl/ mijn Toevlucht ende schilt
OP dijn Woort staet mijn hop' end mijn gedancken.
42. Packt U van my all die ghy qualijck wilt
En boosheyt werct: end ick sal met vlijt schouwen
Op mijns Gods Woort/ en syn Gheboden milt.
Wilt my O Heer vast stutten en behouwen
Nae dijn Gelofft dat ick int Leven blijff
Laet my niet syn beschaemt in mijn vertrouwen.
43. Versterckt my zeer/ end Ondersett my stijf
So sal ick recht bewaret syn met Vreden
Ick sal dijn wet aenmercken met beclijf.
Gy hebt de geen met voeten hart vertreden
Die dwalen af van dijne wet en Raet/
Want sy doch List end valsche Rancken deden.
44. Ghy hebt de boos' end hare valsche daet
Als om nut schuym van d' Aertrijck wech ghesmeten/
Dies ick bemin' dijn Tuygnis boven maet
Dijn schrick en schroem heeft my 't Hert so beseten/
Dat my van vrees het hayr te bergen staet
Als ic my poog' dijn Oordeel t' overmeten.
|
<H Het tweede Deeldes CXIX. Psalm.>
<W Ende gaet op dese Naevolgende Voys.>
<V 1> Wyst my den Wech van dijn geboden Recht
Dat ick met blijt altijdt daerin mach Treden
End tot aen 't Eynd vast blijff daer aen ghehecht.
Dat ickse doch bewaren mach seer wel/
End staense gaey met 's Herten innichede,
2. Leydt my den wech van dijn Wet end Bevel/
Dat ick altijdt myn Voeten houd daer binnen:
Want ick mijn Hert end' Vreuchde daer op stel.
Neyg' mijn Gemoet/ Neyg' mijn verstandt end sinnen/
Om dijn Gebodt met vlyt te nemen aen/
End laet my doch gheen Giericheydt beminnen/
3. Mijn Oogen keer/ dat 's haer gesicht niet slaen
Op ydelheyt noch op Onnutte saecken/
End sterc mijn Hert in dijne rechte baen.
Wilt dijn gelofft vast en bundich maken
my dijnen knecht/ want ick heb mijnen sin
Om tot dijn Vrees end liefde te geraken.
4. Den spot en schand diens ic in vrese bin
Wil van my/ Heer/ na dijn genade keeren
Want dijn gericht soo goedich ick bemin.
Siet Heer/ ick heb een sonderling begeeren
Nae dijn Ghebodt/ end heb mijn lust daerin/
Wilt om dijn Trouw ghesontheydt my bescheeren.
5. Laet my voortaen ghenieten dijn gunst goet:
End dijnen Heyl op dat ick van den quaden
Heer nae dijn woordt bevrijdt werd' end behoedt/
Dat ick den geen' die my met schimp versmaden/
Den mont toe stop/ end' Neerlegh haer verwijt:
Om dat ick hoop op 't woordt van dijn Ghenaden.
6. Wt mijnen Mont en ruck tot geener Tijt
Het Heylich woordt der waerheydt Heer ghenadich/
Want ick vast wacht' op dijn Ghericht met vlijt.
Ick wil dijn Wet met woordt end wercken Dadich/
In Eewicheyt end sonder aff te staen/
Mijn leven lanc navolgen gants gestadich.
7. Dies sal ick oock op eene ruyme baen
Sonder verlet/ bewandelen mijn wegen
Mits dat ick heb na dijn gebodt gestaen.
Ick sal oock vry dyn wetten onverswegen
Den Coningen end Vorsten houden voor
End sal dies niet beschaemt syn noch versleghen
8. Ick neem mijn Lust alleen in het gehoor
Van dijne wet/ Gesetten ende keuren
Daer ick mijn aenschijnen mede schoor
Ick wil oock nae dijn Wet hooch opgheven
Mijn hert geloofft/ gaet dijn woort na de spoor
En staedich denck aen dijn Recht sonder treuren.
9. Ghedenkt O Heer wat ghy hebt toe gheseyt
My dijnen knecht die ick heb myn vertrouwen
Op dijn Geloft' als op myn gront geleyt.
Dat is mijn troost in alle myn benouwen
Want Heer dijn woordt heeft my in myn verdriet/
End in den noot by 't leven onderhouwen.
10. My is voorwaer groot hoon end sijht gheschiet
Van 't stoute volc end vol van hooverdijen
Maer ick en wijck van dijn geboden niet.
Ick heb O Heer ghedacht tot allen tijen
Op dijn Gericht dat is myn troost alleen
Dwelck my verlicht in Cruys end sware Lijen.
11. Als ick vermerck de Godloos int ghemeen/
Dat sy versmaen de Wet van dy bevolen
So coemt my aen een schrick end schroom niet cleen
Dijn Woordt end Wet heb ick doch noyt verholen
Maer hebb' daer Van myns Liedekens ghesanck
Ghedicht/ doe ick noch buytens Landts moest dolen.
12. Ic heb dijn Roem gehouden in gedanck
By Nacht O Heer en daer op acht gheslaghen
Want in dijn wet is alle myn verlanck.
Dees weldaet groot na dijn goedt Welbehaghen
Ghebeurt my Heer/ om dat ick mynen ganck
Na dijn gebodt ghestadich heb gedragen.
13. Ghy zijt o Heer myn Erffdeel ende Lot/
Ick heb wel vast in myn hert voorgenomen
Dat ick altijt soud volghen dijn gebodt.
Voor dijn Aenschijn heb ick steedts laten comen/
Met groot Ootmoet myn hertelijck ghebedt
Wil nae Dijn Woordt my met Ghenaede vromen.
14. Ick heb seernauw' op al myn doen ghelet/
En mynen Voet gantsch end gaer willen stellen
Nae 't onderricht van dijn woortes wet.
Ick heb gepoocht myne gangen te snellen
Op dijnen wech/ en daer nae scherp gheluymt/
Om na dijn Wet te gaen recht sonder hellen.
15. Der boosen Rot heeft gherooft end gheschuymt
Al wat ick had end al myn Goet ontschaker
Nochtans heb ick dyn Wet dies niet versuymt/
Te Middernacht heb ick dickmael ghewaket
Om dijnen Loff te maken Openbaer/
En dijn Ghericht end Waerheydt groot ghemaket.
16. Heer ick verkeer met der gherechten schaer
Die dy ontsien/ en mijden boose Daden
End die dyn Woord ten Rechten nemen Waer
'T aertrijck romtom is vol van dyn Ghenaden
Bericht my Heer/ dat ick doch gantsen gaer/
Nae dyn Ghebodt my houd' op dijne paden
17. Ghy hebt dyn knecht/ O HEER/ veel deuchts ghedaen/
Nae dyn Ghelofft end nae dyn Woordt Waerachtich/
Daer ick altyt seer vast heb opghestaen.
Geeft mynen geest O Heer myn Godt Allmachtich/
Een rechten Smaeck end Onvervalscht verstandt/
Want ick ghelooff aen dyn Ghebodt standt achtich.
18 Eer ick verneert werd' onder dijne Handt/
Ginck ick dweirs velts veer' wt den Wheghe dwalen
Maer nu is my dijn woort int Hert gheplant
Heer ghy zijt goet/ end laet dijn goetheydt stralen
Aen alle kant. Dies geeft my goet bericht
En laet my niet dijn rechte Wegen falen.
19. Die ophaer pracht end Hoochmoet syn gesticht/
Syn tegens my/ veel Leugens gaen ver sieren
Doch mijn ghemoedt is nae dyn Woort ghericht.
Haer Hert is vett als smout ontrent de Nieren/
Sy zijn verstoct hoochmoedich en stout/
Maer mijne lust is dijn wet goedertieren.
20. Tis mijn gheluck end Welvaerdt sonder faut/
Dat ick van dy Castijding heb' ontfangen
Om dijn ghebodt te leeren Onverslout.
Want dijn ghebodt/ dien ick steedts wil Aenhanghen/
Is beter/ Heer / dan silver ofte gout/
End dan al 't Goet daer Menschen nae Verlangen.
21. Dijn handen Heer hebben my toebereydt/
Geeft my verstant dat ick te recht mach smaken/
Het reyn Ghebodt ons van dy Voorgheleydt.
T' godtsalich volcksal henmet Vreucht vermaken/
Als sy de Deucht die ghy my doet/ sien aen
Dewijl dijn woordt de grondt is mijner saecken.
22. De daet/ O Heer/ doet my te recht verstaen/
Dat dijne straff end Oordeel is genadich
En dat ghy my met Recht hebt moeten staen.
Ick bidde dy dat dij me gunst ghenadich
Sy mijnen troost/ soo ghy hebt toe geseyt
My dynen knecht nae dijn Gelofft ghestadich.
23. Wil dijn Ghenaed' end Ontferm - herticheyt
My gunnen Heer/ op dat ick doch mach leven
Wat dijn woort is mijn lust in sonderheyt
Laet syn beschaemt die in Hoogmoet verheven/
Met een valsch hert my soecke alle quaet
Want ick wil my tot Dijne Wet begeven.
24. Dan sullen haer met lust end blyd' gelaet
Keeren tot my die vroom syn end Godsvruchtich
End kennen recht dijn Woordt en dijnen Raet.
Geeft dat mijn Hert sy oprecht ende tuchtich
Mits u gebodt/ op dat ick niet met smaet.
En word' beschaet end voor mijn Vyant vluchtich.
25. Dewijl ick verlang' nae dijn woort Dach end Nacht/
Mijn Ziele wordt versmacht end gants besweken:
Midts op dijn Woort ick soo begeerlijck wacht/
Dat d'oogen schier my sprit'len ende breken
Ick segge vast in myn Hert: och wanneer
Sult ghy my Heer eens troostelijck aeuspreken.
26. Ick ben heel dorr/ wt grooten rouw O Heer
Als een Bocxvellang' in den Roock ghehangen
Doch dijn bevel vergeet ick nimmermeer
Hoe lang 'sal my dit Cruys noch soo hart mangen
Ick ben dyn knecht wanneer sult ghy doen wraeck
Over de geen' die my so hart bestrangen?
27. 'T hooveerdich volck heeft my sonder oorsaeck/
Kuylen gemaeckt om daer in te doen vallen
Dwelck niet en is nae dyner Wet wtspraeck
Dyn Wetten Heer syn oprecht gants end allen/
Ick word verbolcht t' onrecht wt Haet end Nijt/
Dies wil my Heer met dijner Hulp omwallen.
28. Ic was by na myn leven geheel quijt
Door dit boos Volck dat my soeckt te verderven.
Doch heb ick noyt van dijn Woort afgeglijt
Verquict my Heer/ end laet my doch niet sterven/
Nae dijn genaed: Ick wil dijn woort met vlijt
Behouden steeds/ in steed' van mijner Erven.
29. Dijn Woort gheduert O Heer in Eewicheyt/
En staet gevest in 's Hemels hooge throon
Die ons van dy Oorconde claer bescheyt.
Tijn waerhz vast laet sich wel claer verthoonen/
Van Tijt tot Tijt: ghy hebt het Aertrijc
Heel vast gesicht/ dat Menschen daer op woonen.
30. Tot heden staet de Werelt op haer gront
Door dijn Gericht/ mits alle Creatueren
Dijn dienaers syn gehoorig t'aller stont.
Had' my dijn Wet/ doe my 't Hert swaer moest treuren/
Niet wel getroost/ end myn ghemoet verblijt
Ick waer vergaen/ end had niet kunnen dueren.
|
LITURGIE
&CETERA 
