|
<H Het derde Deel des CXIX. Psalm.>
<W Ende gaet op dese Naevolgende Voys:>
<V 1> Ick houde over 't Recht/ en wil bijven
En geeft my niet over/ dien die bedrijvé
Vast by de Gherechtigheyt ghestelt:
Willen aen my Cracht ende Ghewelt.
Helpt uwe knecht/ troost hem dat onere
My de stoute geen krachten doen meere.
Mijn Oog' na dijn Heyl wacht en beydt
Nae 't Woort dyner Gherechticheyt
Doet met dijn knecht nae dijn Genade
Leert my dijn Rechten vroech en spade.
2. Ick ben dijn knecht leert my/ o God Vol trouwen/
Dat ick dijn ghetuyghenissen ken.
'T is tijdt dat de Heer daer opneem Aenschouwen/
Dijn Wet is gheheel verscheurt van hen.
Daerom ick dyn Ghebodt beminne/
Ick achtet weerder in mynen sinne/
Veel meer dan silver ende gout/
Boven den fijnen goud' ick hout.
Daerom houd' ick dijn Wet en Leere:
Allen Valschen wech haet ick seere.
3. Dijn getuygenissen zyn wonderlijcken
Daeromme houtse myn siel altijdt.
Wanneer men dijn woordt openbaer siet blijcken/
Soo maecket ons wijs ende verblijdt.
Ick doe open mynen Mondt ghestadich
End begheere dijn Ghebodt weldadich
Want my daerna verlanghet nu/
Weest ghenadich/ tot my keert u.
Als ghy dien pleecht te doen bequame/
Die daer beminnen uwen Name.
4. Laet in dijn woort gewis wesen myn treden/
Gheen onrecht over my heyrschen laet
Helpt my van der menschen vermetenthede
Verlost my doch daer aff met der daet:
So wil ick houden sonder vertraghen/
Dyn Gheboden in alle myn Daghen.
Laet Lichten over uwen knecht
Dijn Aenschijn end leert my dyn Recht
Met watervlieten bey mijn Oogen/
Dat men dyn Wet niet Wil ghedooghen.
5. Heer ghy zyt end blijft Eewichlich Rechtveerdich
Dyn woort is recht/ oock wat het toeseyt
Ghy hebt de Ghetuygenis Eerweerdich
Dyner waerheyt end gherechticheyt/
Hart gheboden end belast waerachtich
Ick yver my schier ter Doot onsachtich,
Dat al myn wedersegghers boos,
Dijn woorden vergeten altoos.
Dijn woort is wel gheloutert Heere/
Ende dijn knecht beminnet seere.
6. Ick ben seer verstooten/ veracht end'
Maer ick en vergeet niet u bevel.
Dijn Gherechticheydt blijft Eeuwich Certeyne/
Ende dijn wet/Heer/ is even wel
Tot allen Tyden Waerheyt volcomen.
Ancxt en Noot heeft in my plaets ghenomen/
Maer ick heb lust aen u Gebodt.
De Gerechticheyt O myn Godt/
Dyns wet sis Eewich sonder sneven:
Onderwijst my/ so sal ick leben.
7. Ick roep van herten Heer/ wilt my vertroosten/
Dat ick dijn Rechten houde ghewis/
Ick roep tot dy helpt my/ neycht doch dijn Ooren/
Dat ick houde dijn Ghetuygenes/
Ic coem vroech/ en doe tot dy mijn clachte
Ick schrey End op dyn woort / Heer/ ick wachte
Ick hoop daer op des Avonts laet/
En 's morgens voor den Dagheraet
Altijdt geheel vroech ick opwake/
Om van dyn woort te houden sprake.
8. Na u genade hoort myn stemmen clachtich
Heere/ nae dyn Rechte verquict my.
Mijn vervolgers quaet en seer bosachtig
Wouden my toe/ end aenvallen vry/
End sy zyn verr' van dyn wet gevloden.
Heer ghy zyt heel nae en dijn Gheboden
Syn enckel waerheyt openbaer.
Maer ick weet te voren voorwaer/
Dat ghy dijn Rechten al ghelijcke
Vast ghesondeert hebt Eewelijcke.
9. Siet aen mijn Elend end verlost my Heere/
Helpt my wt/ keert myns Vyandts bedroch
Want ick en vergeet u wet nimmermere.
Voert myn saeck' ende verlost my doch
Wilt my Heere door dijn woort verblijden
Dijn salicheyt is tot allen tijden
Verr' van der Godloosen gheslacht
Want hunder geen dijn woort en acht.
Heer groot is dijn Barmhertichede:
Verquickt my nae dyn wet/ in vrede.
10. Mijn vervolgers/ Heer syn seer groot van Hoope/
Mijn wedersegghers oock vele zijn.
Maer ick van dijn wet niet en wijck' noch loope.
De verachters syn voor myn Aenschijn
End het doet my wee boven Maten
Dat sy dyn woort so geheel verlaten.
Siet ick beminne dijn bevel/
Nae dijn Ghenaed verquickt my wel
Dijn woort was opt waer eewich mede
Doort' Recht dijner gerechtichede.
11 De vorsten vervolgen my sonder sake
En mijn hert vreest voor dijn woorden
Daer ick my in verheugh ende vermake
Als een die grooten Buet crijcht te deel.
Ick ben gram de Leugenen onsachte
Door eenen grouwel/ Heer ick die achte:
Maer tot dijn wet ick Liefde draegh.
Ick Looff seven mael alle Daegh'
Dy/ om de wet will wtghelesen
Dijner gherecheyt ghepresen.
12. Veel vrede hebben die dyn woort beminnen
En sy en sullen struyckelen niet.
Heer ick wacht op dyn Heyl met Hert en sinnen
En doe alle wat ghy my gebiet.
Myn siel hout dyn Wetten groot en cleyne
En bemintse seer met Herten reyne.
Ick houd' dijn Bevelen O Godt/
Dijn ghetuycheniss end Ghebodt:
Ick ben geheel daer toe gheneghen/
Want voor dy syn alle mijn weghen.
13. Heere slaet doch voor dy comen mijn Clage/
Leert my doch nae uwen woorde goet
Dat myn smeken voor dy coom alle dage:
Na dijn woort verlost my doch met spoet
Myn Lippen sullen loven end Eeren:
Wanneer ghy my dijn Rechten sult leeren
Myn tonghe sal met gantschen vlyt'
Haer spreken hebben t'alder Tijdt/
Van dpn woort Heer/ met welgevalle:
Want recht syn u bevelen alle.
14 Laet dyn handt my by staen/ want ick heb Heere/
Op dijn Bevelen hert gheset.
Och Heere/ na dyn heyl verlangt my sere
End ick hebbe Lust aen dyne wet.
Laet myn siel leven/ dat s' u mach prijsen
En dat dijn Rechten my Hulp bewijsen.
Ick ben als een schaepken verdwaelt/
'T welck verloren syn weghen faelt:
Soeckt dijnen knecht/ doet my doch wete
Want dijn wet ick niet en vergete.
|
LITURGIE
&CETERA 
