|
<H Denselven CXXIIII. Psalm.>
<W Op de Voys: Waer Godt niet met ond deser tijt.>
<V 1> SO Godt de Heer niet by ons halt/
Als onse Vyandt woedet:
End onser Saecken niet toe valt/
Van Hemel hoogh behoedet:
So hy Israel schutz niet is/
End selver breeckt des Vyandts List/
So ist met ons verlooren.
2. Wat Menschen Macht end sin Aenvaert/
Sal ons billick niet schrecken/
Hy sitt so hooch al boven d' Aerd/
Die sal haer Raedt op decken/
Wann' zijt opt Cloeckste grijpen aen/
So gaet doch Godt een ander baen/
Het staet in synen handen.
3. Sy woeden vast end Tieren seer/
Als wouden sy ons Eeten/
Te Worghen staet al haer begeer/
Godt is by haer vergeeten.
Als Meyres baren onstuyr gaen/
Nae Lijff end Leven sy ons staen/
Des sal hem Godt ontfarmen.
4. Sy stellen ons als ketters nae/
Nae onsen Bloet sy trachten/
Noch Roemen sy haer Christen/ Jae/
Die Godt alleen groot Achten.
Ach Godt die duyre Name dijn/
Moet haerder schalcheydts Decksel zijn/
Ghy sult eenmael op waecken.
5. Op spalcken sy die kaecken wijt/
End willen ons opslucken/
Loff ende Danck sy Godt all'tijt/
Het sal haer niet ghelucken/
Hy sal haer strick verscheuren seer/
En stoten hare valsche Leer/
Sy sullent Godt niet weeren.
6. Ach Heere Godt hoe Rijck troost ghy
Die gantslijck syn verlaten/
Der g'naden Deur staet altoos vry/
Vernufft can dat niet Vaten/
Sy spreeckt: Het is nu al verloor'n/
Daer doch dat Cruys heeft Nieuw gheboorn/
Die dyner hulp verwachten.
7. Die Vyand' syn in dijner handt/
Daer toe all' haer Ghedancken/
Haer aenslach is dy wel bekandt/
Helpt ons dat wy niet wancken.
Vernufft tegen 't gheloove vicht/
Opt coemstich wil sy Trouwen nicht
Daer ghy sult selver Troosten.
8. Den hemel end die aerde wijt/
Hebt ghy Heer Godt ghegrondet/
Dijn licht laet ons Claer zijn altijt
T'hert wort in ons bevonden
Vol rechter lieffd' des Gloovens dijn/
Tot aent eynde standt vastich zijn
Die Werlt laet ymmer Murren.
|
LITURGIE
&CETERA 
