|
<H Psalm CXXXIX.>
<C Domine proba.>
<W Op de Voys: Aen Water vlieten Babylon.>
<V 1> Heer Godt ghy die doorsoecket my
Ghy kendt mijn heele Leven/
Mijn sitten end opstaen weet ghy
End al mijn Doen daer neven.
Jae/ mijn Ghedachten al van Veer/
Die Rondts om mijnen Leger gaet/
Ghy Bespiedt al mijn weghen.
2. Daer is geen woort in mijnen mont/
Noch spraeck op mynder Tonghen
Een is dy van te vooren Condt/
Eer 't wordt gheseyt oft songhen.
Ick gae/ stae/ waer/ end wat ick doe/
Ick doe niet goets Heere/
Oft ghy doet Dat te voor'n in my/
Dijn handt my op den wech lept vry/
Oft anders ick Faelgeere.
3. Met myn verstandt ben ick te slecht
Dijn wercken te doorgronden/
Maer door t'Ghelooff men moetet recht
Verstaen (Heer) t' allen stonden.
Door uwen Geest waer sal ick gaen/
Die alle herten gaey can slaen?
Dijn Aensicht van ghelijcken
Sulcx weet. Daer ick ten Hemel claer
Oft oock ter Hel/ so zijt ghy daer/
Ick can dy niet ontwycken.
4. Neem ick des Daegraedts Vleuglen
En blijve aen de Zeede/ (all
Dijn Handt my daer nochtans wel sal
Heer houden t'Aller steede/
Seg ick/ Jae/ Duysternis deckt my /
So is de Nacht als Dach voor dy/
Licht boven den Daeghrade/
By dy is Licht die Duysterheed/
'T syn al heymlijcke Sonden meed' /
Dy kenn'lijck vroech end spade.
5. Mijn Nieren syn in dyn Ghewelt
Oock mijn heymlijcke Lusten/
Doen ick in 's Moeders Lijff gesselt
Ginckt ghy my schoon toe rusten/
Dijn Rechter handt was over my /
Van herten gront dies danck ick dy/
Van dyne Wondren alle/
Daer mee ghy my maeckt wonderbaer
Mijn siel die Weldaet mercket daer/
Sulcx uwen Raedt ghevalle.
6. All mijn ghebeent hebt ghy getelt
Doen ick ghemaeckt sou werden
Dyn Ooghen oock op my gevelt/
Noch liggend in der Eerden/
Im 's Moeders Lijf noch onbereedt/
Daer aff 't vernufft weet gheen bescheet.
Voor dy so syn die uyren/
Mijns levens in dit Jammerdal
In uwen Boeck gheschreven al/
Hoelang die sullen dueren.
7. O Godt hoe cost'lijck syn voor mijn
Dijn men'gerley ghedachten/
Dan 't Zant aent Meer sy meerder zijn
Op dy wil ick steedts wachten/
Wanneer ick van den Doot op waeck
Houdt dyn Genaed' oock myne saeck/
By dy so wil ick bliven.
'T godloose Rot/ ghy hoochste Godt/
Wilt doo'n/ wtroeyden met gesspt/
Dat bloet volck wilt verdrijven/
8. Veel Onrechts segghen sy van my /
Alst dient maer tot haer saecken/
So haest dijn woort wil comen by/
Haer sy daer teghen maecken.
Ick haet al dijne haters Heer
Die dijn woort teghen syn so seer
En 't selffde wederstreven
Dies sy my alle Vyandt zijn/
Veel quaets sy my aendoen en pijn/
Wilt my victory gheven.
9. Heer ondersoeckt en proeft mijn hert
Versoecket mijnen gronde
End siet oft myn Doen achterwert
Wil wijcken teen'gher stonde.
Ben ick gheweecken Van de baen/
So laet my Heer dan niet voort gaen/
Op rechten Wech my leyde,
Die dy behaecht end Eewich sy/
Myn Siel/ Lijff end Gemoedt tot dy
Heer Eewelyck bereyde.
|
LITURGIE
&CETERA 
