 |
|
|
Psalm. XXI., Domine in virtute., Op de Voys: Christus den Heer ten Jordaen
quam., HEER vrolijck is den Coninck vry/
Duitse melodie: Christ unser Herr zum Jordan kam
Lvdk 165
|
<H Psalm. XXI.>
<C Domine in virtute.>
<W Op de Voys: Christus den Heer ten Jordaen quam.>
<V 1> HEER vrolijck is den Coninck vry/
Van vreuchden vol/ en Glory/
Dijn kracht en hulpe staet hem by/
Daer door heeft hy Victory
Ghy gheeft hem wat zijn hert begheerdt
End' weyghert niet syn Bede
Een gouden Croon gy hem vereert/
Ghesmuckt zyn al syn lede/
Met dynen goeden seghen.
2. Om t'leven badt hy met bescheyt
Ghy gaeft hem langhe leven/
Ghestadich end in eeuwicheyt
Dijn hulp hem gaet verheven,
Met eeren groot en fraey cieraet/
Want eewichlijck ten seghen/
Gaet ghy hem setten metterdaet/
Verheucht hem wel te deghen
Met dijn aensicht soo blijde.
3. Den Coninck hem op Godt verliaede
En moet wel vaste blijven/
Des Hoochsten goetheyt hem by staet/
Den Vyant te verdrijven
Sy zyn van schanden also root/
Als Ovens gland van vyere/
Des Heeren toorn machtich groot
Syn gramschap met ghetiere/
Verteert sy heel end alle.
4. Haer vrucht sult ghy verdelgen heel/
Soo wijt als d' Aerd' is groene/
Wt roepen over al haer deel/
Daer menschen kinder woonen/
Want haer aenslach' sy maeckten fell
Om dy veel quaets te doene
End' haer ghedachten dy rebel/
Al waren sy seer koene/
Sy mochtens niet wtvoeren.
5. Sy sullen als die Schouders doen.
Belaen met ongelucke
Doch lijden in haer Aensicht koen/
Dat haer dijn Boghe douche
Heer wilt u doch verheven hooch
End' toonen dijne krachte/
Soo willen wy met all' ghenoech
Hooch prijsen dijn Almachte/
End vrolijck dy lof singhen.
|
|
LITURGIE
&CETERA 
