|
<H Psalm XLIV.>
<C Deus auribus Nos>
<W Dese Palm gaet op de Voys van den Cxxxij. Psalm: Ende so als hier
nae volghet.>
<V 1> Heer Godt wy hebbent wel verstaen/
Wat ghy in haer Tijdt hebt gedaen
Die Vaders ons dat seyden/
Hoe ghy verdreeft de heyden
Haer sweert end arm gaf haer geen lant
Maer dijn Recht/ Licht; en Rechte hant
Want ghy hadt aen haer allen
Een Lust en Welghevallen.
2. Godt ghy des Jacobs Coninck vry
Den Vyandt wy aenvaten/ -"
In uwen Naem soo winnen wy/
Op ons is gheen verlaten/
Ghy helpt ons van den Vyandt quaet/
All die ons Haten/ ghy verlaet/
U sy Loff (nae 't Betame)
HEER Heylich sy dijn name.
3. Waerom verstoot ghy ons in schandt
En Wilt ons Gantsch Verlaten/
Ghy laet ons vlien voor 's Vyants hant
Ons Rooven die ons haten/
Ghy gheeft u Volck den heyden (Heer)
Om niet vercoopt ghyp se noch meer/
Ghy laet ons van ons Bueren/
Begecken t'allen uyren.
4. Een Spottend wy den Heyden syn
(De Volcken ons benouwen)
Wys yn versmaet/ Nochtans wy dijn
Verbondt noch trouwlijck houwen
Ons Hert niet affghevallen is/
All deckt ghy ons met Duysternis
So sullen wy noch Heere/
Dy affgaen nimmermeere.
5. So wy vergeten hadden dy/
Heer) soud ons Recht ghebeuren/
Om uwent wil (maer) lijden wy
End ons ter Slachtbanck vueren/
Ghelijck men een hoop Schapen doet/
Dies niet en slaept (o Heere goet)
Maeckt op van die ons haten
Wilt ons niet dooden laten.
6. Waerom verbercht gy u aenschijn
Gaet ons elendt Vergeten
Die Vyandt heeft de siele mijn/
In 't slijck der Aerd' ghesmeten/
Jae onsen buyck aend' Aerde cleeft/
Staet op/ helpt ons/ verlossingh geeft.
Den Vyandt keerten weere.
Door uwe Goetheydt Heere.
|
LITURGIE
&CETERA 
