|
<H Psalm. XLV.>
<C Eructavit cor.>
<W Op de Voys: Van Hemel quam der Enghel schaer.>
<V 1> Myn Hert een schoon nieu Liet begindt
Van eenen Coninck lieff'lijck singt
Dies soude wel die Tonge mijn/
Eens raschen Schrijvers Penne zijn.
2. De schoonst' gy by den Menschen zijt
Dijn Mont is Vol genaed' en blijd/.
Dies heeft u Godt gesegent meed'/
End' hooch begaeft in Eewicheyt.
3. Dijn Sweert dan nu omgorden gaet/
Ghy stercke Reus met groot Cieraet/
Daer 't u wel in ghelucken sal
Mild' zijt ghy en vol waerheyt al.
4. Groot wonder doet dijn rechte Hant
Den Vyant brengh in smaepy en schant/
Dijn Pijl verwondt ras/ en met cracht
Ghy 't Volck brengt onder uwe Macht
5. Oock Eewich blijft dijn Godlick Rijck
End' uwen Scepter insgelijck
Gherechticheyt mint ghy voorwaer
Het quaet en boosheyt haet ghy gaer.
6. Daerom heeft Christe Godt dijn Heer
Vol vreuchden dy ghesalvet meer/
Godt Vader van die volheyt zijn
Van all' dijn Metghenooten fijn.
7. Welruyckend all dijn cleyder zijn/
Van Elpenbeen die Palleys' dijn/
Des Conincx Dochters altemael/
Verblijden haer in dijnen Zael.
8 Die Bruydt tot uwer rechten staet
In costlijck Gout en rijck ghewaet/
O Dochter hoort den Coninck goet/
Des Vaders huys vergeten doet.
9. So salde Coninck hebben daer/
Aen uwe schoonheyt lust voowaer/
Dies hem hooch acht/ hy is dijn Heer/
Valt hem te voet/ bewijst hem eer.
10. Het sal op dese Hoochtijt Feest/
Verteeren u die Heyligh Gees/
Gantsch costlick is die Coningin/
Hel cuysch en reyn vans herten sin.
11. Sy wort den Coninck toe geleyt
ect haer Gesgeelen schoon bereydt/
Als 's Conincx camer ende Zael/
Gaen sy met vreuchden altemael.
12. Dijn kinder sullen Princen zijn
Voor die Verlaten Ouders dijn/
Dien Coninck wil bekennen Ick/
Hem prijsen/ eeren Eewichlick.
|
LITURGIE
&CETERA 
