|
<H Psalm LXVI.>
<C Jubilate Deo>
<W Op de Voys: Aen Watervlieten Babylon.>
<V 1> Dycht Godt den Heere alle landt/
Loff singher het synen name
Maeckt heerlijck synen naem bekant
Vercond Gods eer al t'same.
Hoe vreemt is (Heer) dijn Werck end' Cracht/
Dijn Vyandt feylt voor dijne macht/
Dy aenbeed' t'heel Aertrijcke/
End' loffsingh dijne name soet/
Coemt/ aensiet hier al metter spoet/
Gods wercken all ghelijcke.
2. De Heeris wonderlijck ghewis
Ick al syn doen en hand'len/
Hy maeckt de Zee nae syn advijs/
Om droochvoets door te wand'len/
Dies wy in hem Verblijt syn seer/
Want hy in eewicheyt regneer
Met syn crachtich vermoghen/
Hy siet op alle Volcken: Maer
Die hem Affvallen sullen haer
Niet comen weer verhoogen.
3. Gy volcken looft doch onsen Godt,
Sijn Roem verbreydt laet werden
Die onse Ziele in der Noot/
Hier onder houdt op Eerden.
En laet ons voeten slibb'ren niet
Want Godt ons proeft met veel verdriet
Als Silver in den vuere/
Heeft ons in vanckenis ghebacht/
Ons opgheleydt een last onsacht/
End' maeckt het ons wel suere.
4. Hy liet de Menschen menichfout
Ons over 't Hooft ghevaren/
Wy syn int vieren Water Cout/
Ghejaecht met groote Scharen ,
Maer ghy hebt ons daer wt gheleydt/
En weer verquickt met vrolicheyt/
Dies Wil ick sonder falen/
Gaen met Brandtofferhande bly/
In uwen Huyse: ende dy
Heer/ mijn ghelofft betalen.
5 Ghelijck ick hebbe opghedaen
Mijn Lippen en daer neven
In noot wt mijnen Mondt is gaen/
Ick wil dy HEERE geven
Brandtofferhanden vet en soet/
Van den ghebranden Rammen goet/
Met Ossen/ Bocken mede.
Ghy die Godt vreest/ coemt hier hoort al
Subijt ick u vertrecken sal/
Wat hy mijn Siel al dede.
6. Tot hem riep ick met mijnen Mont/
Mijn tonghe hem prees met machte
So ick deed onrecht t' eenger stondt
Oft sulcrx int hert opt dachte/
Verhooren sou my niet de Heer/
Daer nu verhoort hy my ras seer/
En dat om sijns Naems eere/
Gelooft sy Godt die 't Bidden mijn/
Niet en verworpt noch oock die zijn
Goetheyt van my niet keere.
|
LITURGIE
&CETERA 
