|
<H Psalm LXVIII.>
<C Exurgat Deus>
<W Op de Voys: Door Adams Val is heel verderfft/ &c.>
<V 1> Staet op (Heer) den Vyant verdrijft
Vlien laet all die dy haten/
Ghelijck als roock die niet en blijft/
Als vuyr doet was ontlaten/
So worden all' voor Godt te niet
Die Godloose met smerten/
Maer die gherechte syn altijdt.
In Godt verheucht van herten.
2. Singt Godt/ maeckt hem een goede Baen
Hy is der Weesen Vader
Hy neemt in syn beschermingh aen
De Weduwen Allgader/
Hy is Godt van seer groote cracht/
Woont in syn Heylghen Throone/
Een Godt ghenadich ende sacht/
Die steedts syn hulp bethoone.
3. Den een samen hy gundt en gheeft
Bet huys vol goede kinder/
Oock gaets ghenoech/ daer by Opleeft
Metall' syn huysghesinde.
Hy maeckt all die ghebangen vry/
Die synder hulp verwachten/
Maer den boosen laet blijven hy/
End' in ghebreck versmachten.
4. Godt als in ouden tijden ghy:
Met dijnes Volckes Heyre
Ginck reysen die woesteny/
De Aerd doen beefde seere/
Den hemel droop voor desen Godt/
Die hen in syn thoonde/
Een Godt zijns volckes sonder spot/
Die Israel verschoonde.
5. Maer nu (God) geeft gy Regen goet
Jae/ Reghen vol ghenade
Verquickt alsoo dijn erve soet
Dat dorr' was vroech end spade.
Dies dijn Ghediert daer woonen mach
End’ hem heel wel nu schicket
Dijn elenden ghy sonder clach/
Door dijn goetheyt verquicket.
6. De Heer heeft ons syn woort soo fijn/
Met veel Euangelisten/
End als die hoofden eenich zijn/
Die huyt en mach niet missen.
Ligt ght te veld hij glintzert daer/
Als Duyven vleughes glansse/
Ghelijck Silver end Gout te gaer/
Soo schijnen uwe schansse.
7. Als Godt almachtig selver gaet
Die ampten wel bestieren/
So wort al'licht door syn ghenaed/
Daer duysternis ginck tieren
Want Gods vergis een vruchtbaer berg
Een vruchtbaer Berg vol eere.
Wat roemt gy Berg des Werelts argh?
Op desen rust de HEERE.
8. Dees Bergh is Godes wooningh bly
Veel Duysend en syn waghen/
Daer hy int Heyl'ge Synai/
Op vaert end sy hem draghen.
Ghy zijt Heer hooch ghevaren op/
End' hebt die Hell' ghevangen/
Voor ons verplet des Vyants Cop/
End Gaven ons ontfanghen.
9. Veel Vyanden tot Godt ghebracht
End in ghenaed aeng'nomen/
Door dy (die Godt niet sloeghen acht)
Sijn in syn Rijck ghecomen.
Gheloofts Godt de Peer die leeft/
Die ons met Noot beladen/
Sijn hulp rijcklijck medeylet heeft
En schenckt ons veel Weldaden.
10. Door Godt die onse Heplandt is
Wy sijn den Doot ontloopen
Des Vyants Hooft breeckt hy ghewis/
Verflaetse all' met Hoopen.
Nochtans Godt oock bekeeren gaet/
Wt Basan end' Eylanden/
Maer synen Sonden lecken laet
Het bloet van syn Vyanden.
11. Dijn Intocht schoon int Heylichdom
Aensiet men Godt mijn HEEre/
Die Sangers end' Speelluyden vroom
Die Maechden oock met Eere/
Gaen Loven dy/ End’ al te saem
Dijn Volck van Herten reyne.
Wy dancken dijmen Heylghen Naem/
Voor Israels Fonteyne.
12 Daer heyrschet midden onder haer:
Dijn Beniamin die Cleyne/
Die Posten Juda oock aldaer
Heerschen met haer ghemeyne/
Die vorsten Zebulon all' vroet
Naphthali des ghelycke.
Dees Euangelij Boden goet
Ons leeren Godes Rijcke.
13. Dijn God heeft dijn Rijck wel bereyt
Godt ons dat self d'oocks stercke/
Ons' Heylandt ghy in Eewicheyt
Het is dijn eyghen wercke.
Om dijnes Tempels willen HEER/
Die Coning sullen bringhen/
Haer gaven veel tot dijner eer/
End vrolyck daer toe singhen.
14 Die valsche Leeraers hier en daer
Wilt schelden end Mismaecken/
Die Ossen die naer gelt all'gaer
Met haren Calver'n haecken.
Verstroyt de volcken (Heer) geheel/
Die geerne quaet bedrijven/
Bevechten altoos dijn Erffdeel/
Haer werck laet niet beclijven.
15. Egypten end oock Mooren Landt
Tot Godt haer sullen keeren/
Lofsingt den Heer aen alle kant/
Die overal met eeren/
In hemel vaert van aen begin/
Want hy sal sterckheyt geven/
Sijns Donders stem nae synen sin/
End syn woort hooch verheven.
16. Geeft Godt de macht in Israel
Daer is syn heerlijckhede/
Sijn Macht blijckt aen de Wolcken wel
In syn Heylichdom mede.
Godt is Israels hoochste goet/
Hy sal syn Volck noch meere
Machtich helpen wt alle Noot/
Ghelooft sy Godt de Heere.
|
LITURGIE
&CETERA 
