|
Psalm VII., Domine Deus meus, Op de Voys: Waer Godt niet met ons teser
Tijd, Mijn Godt want ick op dy betrou
Duitse melodie: Wär Gott nicht mit uns diese Zeit
|
<H Psalm VII.>
<C Domine Deus meus>
<W Op de Voys: Waer Godt niet met ons teser Tijd>
<V 1> Mijn Godt want ick op dy betrou
Redd' my van mijn Vyanden/
Dat hy niet als een leeuw seer grou/
Verscheur mijn Siel met schande
Heer mijn Godt heb ick so ghedaen
Als sy my over segghen gaen
Is on recht in mijn handen.
2. Is yemant oyt van my beschaet
Die Vrede houden wilde
Jae heb ick oyt oock dien verhaet
Die my verhaten wilde/
So laet den Vyant binnich syn/
Verpletten ziel end leven myn/
Mijn eer int stoff vernielen.
3. Den Vyants (Heer) is heel vergramt/
Toornich wilt u verheven/
End helpt my weder in dat angt/
Dat ghy my hadt ghegeven
Opdat het volck verstropet mi/
Hem mach vergadren weer tot u/
Jae daer om wilt verschijnen.
4. De HEER is Rechter over al/
Kan proeven hert end' nieren
Daerom mijn saeck hy rechten sal/
Nae mijn onschult my stieren/
Daer 't ondergaet Godloosicheyt /
Bevodert wort Gherechticheyt
Mijn Schilt is Godt de Heere.
5 Godt is recht veerdich int gerichts
Een Godt die daghelijcx dreychet
All' die haer noch bekeeren nicht/
Maer syn tot quaet gheneyghet/
Daer is syn Sweet al scherp gewet/
Syn Boogh'ghespant/ syn Pijl ghereet
Gheheelijcks te verderven.
6. Mach yemant syn so boos van sin/
Om ander te beswaren
Nochtans en heeft hy gheen gewin/
Maer faulte moet hy baren/
Hy graeft een cuyl wel diep end wijt/
Valt selfs daer in tot zijnder tijdt
Hem mach niemandt bevrijen.
7. Zijn ongeluck hem comen moet
Om all' zijns wrevels wille
Den Heere will ick dancken soet/
Hoe soud' ick swijghen stille
Want zijn gherechticheyt is vroet
End' hy is d' alderhoochste goet/
Ghelooft moet zijn syn Name.
|
LITURGIE
&CETERA 
