|
<H Psalm. LXXXI.>
<C Exultate Deo.>
<W Op de Voys : Een vaste Borch is onse Godt/ etc.>
<V 1> Singt vrolijck (Godt is onse Vest)
Des Jacobs God/ met Jeuchte/
Met Psalmen end met Bommen best
End Harpen van Ghenuechte/
Int Looffhutten Fest
Die Basuyn niet en Rest/
Want in Israel/
Sulcx is een Wijse wel/
Een Recht des Godes Jacob.
2. Sulcx heeft hy als een Tuychnis sett
Onder Joseph Vercooren/
Doen sy vry van Egyptens Net/
Nieuw spraecke mochten hooren/
Daer schouder hy haest/
Van allen overlast/
Verlost' end' bevrijt/
Haer handen waren quijt/
Van slaverny so suere.
3. Als ghy aenriept my in der noot/
Quam dy mijn hulp te handen/
End' als ghy met versoeckingh groot
Kevet tot uwer schaden/
Daer 't Water van moet
Den naem noch hebben snoot
Pobeerd' ick dy wel/
Hoort mijn Volck Israel/
De Waerheyt ick betuyghe.
4. Geen ander Godt sult hebben ghy/
Gheen veemden Godt aenbeden/
Want ick de HEER/ Alleyne sy
Dijn Godt/ Houdt mijne Zeden/
Dijn Mondt laet van mijn/
Altijdt ghevullet zijn/
Maer mijn Volck wil hem/
Niet keeren aen mijn Stem/
Israel my versmaedet.
5. Daerom nae haeres herten Waen
Laet ickse gaen end'varen/
Wou mijn Volck mijne Wege gaen/
Godt salichlijck bewaren/
Sy souden subijt/
Des Vyants worden quyt
End' ick sou mijn Handt/
Gaen maecken wel bekant
Teghen all' haer Partijen.
6. End all' deVyand des Heeren quaet
Moesten aen hem Faelgieren/
Maer Eewich dueren soud' haer staet
Ick wouse Proviandeeren/
Met weyten seer goet/
End' souden Honingh' soet/
Wt Berghen en Steen/ Ghenieten all'ghemeen
End' wel versadet werden.
|
LITURGIE
&CETERA 
