 |
|
|
Psalm. IX., Confitebor tibi., Op de Voys: Het syn doch Salich alle die.,
 
Duitse melodie naam: Es sind doch selig alle, die; Geneefse Ps 36,68
1543, Geneve1551.
|
|
<H Psalm. IX.>
<C Confitebor tibi.>
<W Op de Voys: Het syn doch Salich alle die.>
<V 1> Ick danck van gantscher Herten u:
Ghy Alderhoochst' u Maeckt my bly
Mijn Godt/ mijn Heer /en wil oock nu
Wil loven en verheughen my/
Dijn wonder veel vertellen.
Want ghy te Rug doet vellen
Mijn Vyanden/ voor 't Aensicht dijn
Gevallen end' omcomen syn
Recht cont ghy haer Vergelden/
Want ghy (die al mijn saecken slecht)
Sitt op den Stoel een Rechter recht/
Die heyden doet ghy schelden
2 Die God'loos hebt ghy doen vergaen
Met haer/ heur Namen wtghedaen/
Dat mens niet meer sal vinden/
Ht sweert des Vyandts heeft een eyndt/
Haer steden hebt ghy om gheweynt
End eeuwich doen Versincken.
Der Godloosen ghedachtenis/
Met haer t'eenmael verganghen is/
Maer eeuwich blijft de Heere/
Syn Stoel hy t'Ord'len heeft bereydt/
Hy recht d'Aerd met gerechticheyt
'T Volck hy oprecht regieret.
3. De HEER die is des Armen schut
Een Schilt ter noodt/ in anghst seer nut/
Dies sullen op u hoopen/
Die uwen Naem (Heer) kennen recht
Want gheensins ghy verlaet den Knecht
Die u heeft na gheloopen
Nu looft den HEER die t' Zion woont
Vercond den volcken haer verthoont
Syn doen en syn ontfermen/
Want ghy ghedenckt en vraecht na 't bloet
Der Vroemen/ en vergheten doet
Des schreyens niet der Armen.
4. Zijt myns genadich/ siet en kent
Onder den Vyandt mijn ellent/
Ghy die my hebt verheven
(HEER) wt die poorten van den Doot.
Op dat mijn stem u lof maeckt groodt/
(Soolangh als ick sal leven.)
In Zions Dochters dueren vry/
Dat ick my uwer hulp verbly/
'T syn in den Cuyl ghevallen
(Die heyden) die sy graefden mijn/
En selfs int Net ghevallen zijn/
Dat sy m spanden allen.
5. Soo Kent men dat de Heer recht doet/
Verstrickt is des Godloosen voet
Door 't Woort int werck syns handen/
Die Godloos moeten alter Hel/
Die heyden die hem zijn rebel.
Al in de Helsche branden.
En die vergheten Godt den Heer/
Want hy hem tot den Armen keer/
Wil die niet gantsch vergheten/
En der Elenden Hope syn/
Moet eewich niet verloren zijn/
Maer 't wort haer wel toe meten.
6. Dat d' Overhant (O Heer opsiet)
Die Menschen bidd' ick) crijghen niet
En laet veroordeelt werden/
Die heyden door dijn Aengesicht
Dat sy bekennen dijn Gericht/
Die woonen hier op Eerden/
O Heer haer eenen Leeraer set/
Dat sy recht kennen uwe wet/
Dat al die Heyden int gemeen
Bekennen dat syy Menschen syn/
En ghy alleen Godt/ Amen.
|
LITURGIE
&CETERA 
