 |
|
|
Psalm. XC., Domine refugium., Op de Voys: Het syn doch Salich alle die.,
Heer Godt ghy onse toevlucht zijt/
 
Duitse melodie naam: Es sind doch selig alle, die; Geneefse Ps 36,68
1543, Geneve1551.
|
|
<H Psalm. XC.>
<W Domine refugium.>
<W Op de Voys: Het syn doch Salich alle die.>
<V 1> Heer Godt ghy onse toevlucht zijt/
Eer dan die Berg end Aerde wijt/
Werden tot onsen erve/
Van Eewicheyt in Eewicheyt/
Bendt ghy een Godt: nae dijn bescheyt
Die Menschen so heen sterven.
Ghy segt/ ghy menschen comet weer/
Want Duysent Jaer syn by u Heer
Als eenen Dach/ end' even,
Als een Nacht waeck die is verleen/
Ghy laetse Stroomwijs varen heen/
Syn als een Droom daer neven.
2. Als gras verwandlen sy al snel/
Dat smorgens bloeyt/ en staet seer wel/
En t'savonts is verdorret/
So even worden alle wy
Verwandelt end' verwoest van dy/
Wanneer ghy zijt verstoret.
Ons Misdaet is in dijn ghericht/
Ghy brengt ons heymlicheyt int licht
Dijn aensicht can't op decken/
Soo haest als aengaet uwen thoorn
Ist al met onsen tijdt verloorn/
T' gaet door als een ghespreke.
3. Ons ouderdom hier int ghemeyn/
Syn Thienmael seven Jaer alleyn/
Wanneert dan coemt al hooghe
Soo zijnder tachtich Jaer bereyt/
End' is nochtans kattijvicheyt/
Wy gaen wech oft men vloghe.
Maer wie ghelooft dyn thoorne swaer/
En vreest dijn grim te rechte daer:
Leert ons aen 't sterven dencken/
Dat wy verstandich werden weer/
Keert dy tot ons/ dyn knechten/ Heer/
Wilt dyn ghenade schencken.
4. Vervult ons vroech met dyn ghenaed/
End' ons wel vrolick roemen laet/
Wilt ons doch weer vervreughen/
Nae dien wy langh' gheplaghet zijn/
Veel Drucks gheleden ende pijn
So wilt ons weer verheughen.
Dyn knechten thoont dyn wercken (Heer)
Waer kind'ren dyne groote eer/
O Godt dy tot ons weynde/
Ghy zijt ons sterckte en Cieraet/
'T Werck onser handen vroech en laet/
Bevoordert end voleynde.
|
LITURGIE
&CETERA 
